الشاعر سمير عبد الحليم الجمل
===============
العرافة
عرافة يا عرافة
وشهادة بالخرافة
يا عالمة وبتخرفي
ياجاهلة وبتعرفي
حالى أمامك بان
ولا قافل الببان
ولا صحيح ده خفي
قولى لى ماله الزمان
من غير كلام فلسفي
حالى بعشقى جبان
ولا بجد ده عفي
ولا عاشق ولهان
قولى لي ما اشجعى
قولى لي ما أضعفي
؟
قالت هوك بلقاه
حاجات كتير قلقاه
لسانه كتير فصيح
طير وريشه ضعيف
لكن زمنه مخيف
طاير عكس الريح
شدوه كله الأه
وكتير فيه تلميح
قولى لى كمان وكمان
عشقى من الضعفاء
ولا من الحكماء
ولا من الشجعان
قالت وقالتلى
لكن ما بكتنى
قالت وضحكتلى
شمسك ساعات
تشرق
وساعات كتير غايمه
اوقات كتير تطير
اشواقك العايمه
وعيونك الصاحيه
وجفونك النايمه
عشقك كتير موجوع
يبكى من غير دموع
يصرخ يقول انا فين
انا بين وبين وبين
لكنه مش مسسسسسموع
اظن كده ريحتك
عرفت حالك من ريحتك
قولى لى قولى لى
نهارى ايه وليلي
وطريقي ودليلي
حبك ظاهر معايا
بيعشق محال
حالته والله حاله
لكنه خيال
باين وبين
الصعب والهين
الشد و ويا اللين
وحاجات كتير
تلف
شيفاه انا بالكف
الان حتبين
شايفه
كل الاوضاع
حبك الباقي
وغيره اللى ضاع
سامعه انين النغم
نعم سمعاه اى نعم
وفاء صفاء بلا ندم
لايؤمن بالعدم
اسمع بقى اسمع
انا كلمتى حكمه
وحكمتى حشمه
معايا لك حزمة
ما تحسب الحسبه
لا واحد لا خمسه
ههمس لك الهمسه
وصايا متجانسه
اشواقك متلامسه
وهواك مش آلة
ما مره يتعالي
نبضاتة شغاله
مايعرف التلوين
حلوين وغير حلوين
عايش حالة نعيم
يهيم كتير يهيم
حريم او غير حريم
يعدى ويعدى
يجرى ويهدى
نباته حنيه
يغنى أغنيه
لك السنين
شعوره كمان هايل
و ورده شايل
ثابت ويتمايل
بين حين وحين
سلامه يكحل عيون
أمانه غصن زيتون
ووكلامه طير يشدو
على كل الغصون
أنا جد مش ثامله
وحديث بلا مجامله
لا صعب ولا لطافه
ولا رعب ومخافه
ده الكف واوصافه
من اضعف عرافه
با ابو قلب متقلب
غلب حالى وغلب
أنا جد جد معاك
ومكنتش بألعب
ياعم روح يا عم
بلا مدح تانى وذم
طريقك كتير واعر
لكنى حزعل لو
م كتبتينى ياشاعر
عرافه ياعرافه
وشهادة بالخرافة
ياعالمه وتخرفي
يا جاهلة وبتعرفي
وتدعي الشفافه
- الحصول على الرابط
- X
- بريد إلكتروني
- التطبيقات الأخرى
تعليقات
إرسال تعليق